hoxe hai festa rachada na casa
veu Popi
vai quedar o tempo que queira
levamos toda a mañá cantando intermitencias
PU PE DI PI PU PE DI PO PUPEDIPÍ PUPEDIPÓ
coa a lóxica aplastante
da súa presencia
aspiraremos toda poeira mental
e toda cantinela colonizadora
que se nos poña diante
aprenderemos a miañar sincopado
a oubear en graves
a pegar ladridos en directo
a ornear petrificado
a cacarexar sen tópicos
a piar moi baixiño
a improvisar rechouchíos simultáneos
a bear baladas en verso clásico
a gruñir rosarios da aurora
bis
madrugaremos
a diario
todos os días
incluídos os domingos
todo esforzo será pouco
para desintegrar confesionarios
