O mar hoxe amosa os dentes
e a medida que avanza a estación
irá cuspindo toda materia inerte
fóra
se eu afogase hoxe
o meu corpo aparecería antes de nove días
entre os cons ou no areeiro
pero non pode ser
o mar hoxe non quere a ninguén
ensaia as súas embestidas contra terra
prepara voos de despedida
manterei atentos os meus brazos nadadores
por se cambia de súpeto de idea
