a ritmo de jazz e bossa nova evádome
dos parámetros milimetrados a escala do espanto
non necesito bebida
nin fumeteo abstracto
abóndame con bailar
pairando porriba
da augla clorada do páramo
transformo os pasos do meu baile
en versos irregulares
que nunca ninguén medirá
con aparellos esvásticos
tralarí tralará
esquezo todo o que din que son
desaprendo paredóns
cuspe canto queiras
se iso fai que te sintas mellor
os lapos caeranche na cara
incrementados pola velocidade da caída
e
n
p
i
c
a
d
o
que teñas bo impacto
