se cadra

todo isto semella tan grande
que non creo que teñamos capacidade abonda
para interpretalo na xusta medida
dos milagros

teremos que sometelo á lóxica das asembleas
constituídas por auténticos descoñecidos para si mesmos

de maneira que sen dúbida
acabaremos transformando un torrente impàrable
nun interruptor avariado

de maneira que teremos que autocongratularnos
pola gran onda de indignación
encauzada nas reservas
dos sumidoiros