das feridas

sempre nacen flores

DE NADA

Nin de aquí

Nin de alá

Nin de Alá

Nin de Jehová

son de ninguén

son de ningures

non teño deus ningún

Practico a anarcomancia oceánica

E iso xa é algo

E como a iso non se chega de moca

Tampouco ninguén cho pode roubar de todo sempre

Sempre fica un fío

De vida no lugar

Máis inesperado do frío.

Se o fío parte

Que rebente o que teña que rebentar

Por onde poida